Son 1 həftə ərzində “Yuxarı Lars” gömrük-keçid məntəqəsi vasitəsi ilə Rusiya-Gürcüstan sərhədini hər iki istiqamətə 115 min nəfər keçib.

 APA xəbər verir ki, bu barədə Şimali Osetiyanın hökumət rəsmisi İrbek Tomayev bildirib.

Onun sözlərinə görə, bu göstərici əvvəlki həftə ilə müqayisədə 23,3 % çoxdur.

İrbek Tomayev əlavə edib ki, son 1 həftədə Rusiyadan Gürcüstana 37 500 nəqliyyat vasitəsi daxil olub. Onun sözlərinə görə, hazırda Rusiya-Gürcüstan sərhədində 3500 minik avtomobili və 1300 yük maşını növbə gözləyir.