İran Silahlı Qüvvələri Baş Qərargahı helikopter qəzası ilə bağlı apardığı təhqiqatından sonra ikinci hesabatını açıqlayıb.

Musavat.com bildirir ki, hesabata əsasən, İran prezidenti İbrahim Rəisinin helikopterin təxribat və partlayış nəticəsində qəzaya uğraması ilə bağlı versiya təkzib edilib.

Bildirilir ki, dağıntılar arasındakı məsafəyə və onların səpələnmə üsuluna əsasən, uçuş zamanı və ya dağın yamacı ilə toqquşmadan bir neçə saniyə əvvəl təxribat nəticəsində baş vermiş partlayış istisna edilib.