Rusiya Dövlət Dumasının keçmiş deputatı İlya Ponomarev tərəfindən yaradılan “Xalq Deputatları Konqresi” Kremili devirmək üçün yeddi bəndlik plan hazırlayıb.

Modern.az xəbər verir ki, bu barədə Britaniyanın "The Times" qəzeti yazıb.

Planın iyulun əvvəlində Vaşinqtonda keçiriləcək 75-ci NATO sammitində təqdim edilməsi planlaşdırılır.

Nəşrin məlumatına görə, konqres NATO-nu Vladimir Putinin hərəkətlərini bəyənən rusiyalı siyasətçilərin qətlini dəstəkləməyə çağırır.

Konqres üzvlərinin hazırladığı strategiya bu həftə Varşavada keçirilən iclasda müzakirə edilib və “Qələbə planı” adlandırılıb. İclasda 60-dan çox qurultay üzvü (cəmi 106) iştirak edib. “Qələbə planı”nda Qərbi təşkilata dəstək verməyə, Rusiyaya qarşı sanksiyaları genişləndirməyə və Ukraynaya silah tədarükünü artırmağa çağırışlar var. Bundan əlavə, qrup Qərbdən “Rusiya daxilində inqilabi hərəkətləri” dəstəkləməyi xahiş edir.