Ukrayna Silahlı Qüvvələri termit qatışıqlı dronlardan istifadə etməyə başlayıb.

“Report” xəbər verir ki, bu barədə CNN teleşirkəti məlumat yayıb.

Bildirilib ki, metalı əritmə qabiliyyətinə malik qatışıq 2,2 min Selsi dərəcəsinə çatır və alüminim tozundan və dəmir oksidindən ibarətdir. CNN qeyd edib ki, bu texnologiya 1890-cı illərdə Almaniyada kəşf edilib və başlanğıcda dəmir yollarının qaynağında tətbiq olunurdu.

Sonradan termit qatışığı İkinci Dünya müharibəsində hərbi məqsədlər üçün istifadə olunmağa başlanıb.