Polşanın Baş naziri Donald Tusk ölkənin daxili siyasətinə "Rusiyanın təsiri"ni araşdıran komissiyanı ləğv edib.

Oxu.Az-ın xəbərinə görə, bu barədə "RİA Novosti" sərəncamın mətninə istinadən məlumat verir.

Qeyd olunur ki, "Rusiya və Belarus izləri"nin axtarışı səlahiyyətinə malik olan qurum bir il ərzində fəaliyyət göstərib və bu müddətdə üç hesabat dərc edib. Onlardan birinin yekunlarına əsasən, Polşa hakimiyyəti axtarışların nəticəsində özünün izinə çıxıb.

Belə ki, qanunsuz hərəkətlərdə şübhəli bilinənlərdən biri "diplomatik xəyanət" törətməkdə şübhəli bilinən keçmiş müdafiə naziri Antoni Maçereviç olub.