İsrail HƏMAS hərəkatının liderlərinə qarşı əməliyyatı müstəqil həyata keçirib və buna görə bütün məsuliyyəti öz üzərinə götürüb.

Axar.az xəbər verir ki, bu barədə İsrailin Baş naziri Benyamin Netanyahunun bəyanatında deyilir.

"HƏMAS terror təşkilatının ali rəhbərliyinə qarşı bugünkü əməliyyat tamamilə İsrailin təşəbbüsü olub. Bu, İsrail tərəfindən başlanıb, İsrail tərəfindən həyata keçirilib və buna görə bütün məsuliyyəti İsrail daşıyır", - deyə bildirilib.

Qeyd edək ki, HƏMAS liderlərinin yerləşdiyi ehtimal edilən Qətərin adı mətndə bir dəfə də çəkilmir.