ABŞ Quru Qoşunları hərbi obyektlərin elektrik təchizatı üçün kiçik nüvə reaktorlarının işlənib hazırlanması və tətbiq edilməsi məqsədi daşıyan "Janus" proqramını rəsmən işə salıb.

Oxu.Az xəbər verir ki, ABŞ Quru Qoşunlarının mətbuat üçün məlumatında belə deyilir.

Məlumatda bildirilir ki, ABŞ Prezidenti Donald Trampın 2025-ci ilin may ayında imzaladığı fərmana əsasən, ilk belə reaktor 2028-ci ilin sentyabrından gec olmayaraq işə salınacaq.

Proqrama görə, reaktorlar kommersiya şirkətlərinin mülkiyyətində olacaq və onlar tərəfindən istismar ediləcək. Eyni zamanda, ABŞ ordusu layihə iştirakçılarının nüvə yanacağı istehsalı zəncirinə daxil olmasını təmin edəcək.