Azərbaycanın daha 5 idmançısına dopinqdən istifadəyə görə sanksiya tətbiq edilib.

Bu barədə Azərbaycan Milli Antidopinq Agentliyindən (AMADA) “Report”a verilən məlumatda bildirilir. Həmin taekvondoçuların Cavid Hüseynov, Samir Məhərrəmov, Şəms İsayeva, Nərgiz Mirzəyeva və Ofeliya Allahverdiyeva olduqları açıqlanıb. Onların hamısı 12 ay müddətinə diskvalifikasiya olunub. İdmançılardan alınmış nümunələrdə qadağan edilmiş maddə və ya onun metabolit yaxud markerlərinin mövcudluğu təsbit olunub.

Orqanizmlərində furosemid maddəsi aşkarlanan bütün taekvondoçuların cəzaları 19 mart 2018-ci ildən qüvvəyə minib.

Qeyd edək ki, daha əvvəl Azərbaycanın 25 idmançısı dopinq-testdən keçə bilmədiyi üçün AMADA tərəfindən cəzalandırılıb.