Bu gün Bakı Ağır Cinayətlər Məhkəməsində mənimsəmə və vəzifə səlahiyyətlərindən sui-istifadədə təqsirləndirilən Fərəh Rəşadətli, Fariz Qarayev və Tamamgül Xanlarovanın cinayət işi üzrə məhkəmə prosesi davam etdirilib.

APA-nın məlumatına görə, hakim Əfqan Hacıyevin sədrlik etdiyi iclasda F. Rəşadətli məhkəmədən ifadə vermək üçün vaxt istəyib.

Buna görə məhkəmə proses fevralın 20-dək təxirə salınıb.

Qeyd edək ki, F. Rəşadətli “Dəmirbank”ın filial müdiri olub, T. Xanlarova bankda xəzinədar vəzifəsində çalışıb. F. Qarayev isə bankın əməkdaşı olub.

F. Rəşadətli mənimsəmə, digərləri isə vəzifə səlahiyyətlərindən sui-istifadədə ittiham olunurlar.