"Türkiyənin Afrində kimyəvi silahdan istifadə etdiyinə dair xəbərləri biz də oxumuşuq, ancaq əlimizdə bunu təsdiqləyəcək bir dəlil yoxdur”.

Ovqat.com xəbər verir ki, bunu adı açıqlanmayan Ağ ev nümayəndəsi Amerikanın “Associated Press” xəbər agentliyinə açıqlamasında deyib.

ABŞ rəsmisinin fikrincə, bu iddia ehtimal xaricindədir.

 Ağ Evin Milli Təhlükəsizlik Şurasından Anadolu Agentliyinin sorğusuna da analoji açıqlama verilib. Yenə adı açıqlanmayan bir səlahiyyətli Türkiyə Silahlı Qüvvələrinin Afrində kimyəvi silahdan istifadə etdiyinin “son dərəcədə ehtimal xaricində” olduğunu bildirib.

ABŞ yetkililərinin ard-arda təkzib etdiyi bu iddianı kürd separatçıları sosial şəbəkələrdə yaymışdılar.