Xatırlayırsınızsa, iki gün əvvəl qələmə aldığımız Operativ Qərargaha operativ məsləhət: Maskalarınızı unutmayın!  sərlövhəli yazımızda dəyərli dövlət adamlarımızı maska taxmağa, bununla da həm sağlamlıqlarını qorumağa, həm də bizə nümunə olmağa çağırmışdıq.

Ovqat.com-un bu xoş niyyətli çağırışına ən tez reaksiyanı SOCAR prezidenti Rövnəq Abdullayev vermişdi.

Rövnəq müəllim dünən baş çəkdiyi Heydər Əliyev adına Neft Emalı Zavodunda ağzını bağladığı maska ilə görüntülənmiş və digər iri məmurlara bunun eyib olmadığını nümunə göstərmişdi.

Sevindiricidir ki, Rövnəq müəllimin bu nümunəvi hərəkətindən Fövqəladə Hallar naziri general-polkovnik Kamaləddin Heydərov və Dövlət Sərhəd Xidməti­nin (DSX) rəisi general-polkovnik Elçin Quliyev də istənilən nəticəni çıxarıblar. Onlar da bu gün görüşünə getdikləri vətəndaşların qarşısına maska ilə çıxmışlar. Biz də dövlət xadimlərimizin səsimizə səs verməsini alqışlayır və sükanı həmişə belə saxlamalarını arzulayırıq.

Martın 29-da Prezident İlham Əliyevin tapşırığına əsasən Dövlət Sərhəd Xidməti­nin (DSX) rəisi general-polkovnik Elçin Quliyev və Fövqəladə Hallar naziri general-polkovnik Kamaləddin Heydərov Rusiya Federa­si­ya­sından avtomobil yolu ilə ölkəyə gələrək zəruri sanitar-karantin təd­birlə­rinə cəlb olun­muş vətəndaşlarla görüşmək məqsədilə hə­min əra­zidə olublar.

DSX-dan Modern.az-a verilən məlumata görə, hazırda karantin şəraitində saxlanılan vətəndaşlarla görüş za­­­manı Azərbaycan Res­pub­­likasının Prezidenti İlham Əli­ye­vin rəhbərliyi al­tın­da ko­ronavirus infeksiyasının yayılmasına qarşı mü­ba­rizə məqsədilə həyata keçiri­lən qabaqlayıcı tədbirlər haqqında geniş məlumat verilib, əhalinin sağlamlığının qorun­ma­sı üçün bu tədbirlərin əhəmiyyəti və karantin rejiminin tə­ləb­lərinə ciddi riayət edilməsinin vacibliyi izah olunub. 

Vətəndaşların karantində qalma şəraitlərinə və qidalanma və­­ziy­yətinə baxış keçirilib, üzləşdikləri problemlərlə maraqla­nıl­ıb, xahiş və mü­ra­ciətləri dinlənilib, qaldırılan mə­sələlərin qısa müddətdə öz həllini tapması üçün təd­birlər görül­üb. Karantin şəraitində yerləşdiriləcək şəxslər üçün əlavə ayrıl­mış yer­lə­r və ora­dakı şərait öyrənilib, vətəndaşların və şəx­si heyətin təhlü­kə­siz­­liyinin təmin edilməsi və sağlamlıqlarının qorun­ması üçün gö­rül­müş işlər nəzərdən keçirilib, zəruri göstərişlər veril­ib.  

 
Dövlət sərhədindən buraxılış məntəqə­sin­də rejim təd­bir­­­ləri­nin təşkili və­ziy­yəti, ölkəyə gələn şəxslərin karantin ərazisinə təx­liyə edilməsi məsələləri nəzərdən keçirilib, birgə fəaliyyə­tin yük­sək səviyyədə təşkil olunması qeyd edilib və bu istiqamətdə ai­diy­yəti dövlət or­qan­larının əməkdaşlığının daha da təkmilləş­diril­məsi üzrə müvafiq tapşırıqlar ve­rilib.