Xəbər lenti
Bakının Suraxanı rayonunun  Qaraçuxur qəsəbəsi ilə Əmircan qəsəbəsi arasında böyük bir boş sahə var.İllər uzunu hər iki qəsəbənin kanalizasiya suları bura axıdılıb və bu boş yer qamışlıq sahəsinə çevrilib. Ötən ilin may ayından başlayaraq həmin boş sahə Rayon icra hakimiyyətinin təşəbbüsü ilə doldurulmağa başlandı. İlin sonunda icra hakimiyyəti başçısının vəzifəsindən azad edilməsi və başqa rayona icra başçısı  göndərilməsi ilə bağlı olaraq işlər dayandı. Yerində torpaq qalağından ibarət kiçik təpəciklər qaldı . İndi Bakı şəhərində harda zir-zibil, artıq şey varsa bura atılır. Artıq iki gündür ki, Suraxanı rayonu ərazisində neft quyularının çirkləndirdiyi mazutlu torpaq bura daşınır. Qaraçuxur qəsəbəsi Nizami İsmayılov küçəsinin bir qrup sakini buna  etiraz etsə də, şikayətlərini qəsəbə bələdiyyəsinə,rayon icra hakimiyyətinə çatdırsalar da, onların səsinə səs verən, bu işə bir əncam çəkən  yoxdu. Qapqara, neftli-çamurlu, radiasiyalı torpağın iyi-qoxusu, üfunəti baş çatladır.İndi sakinlərin bircə çarəsi qalıb:Respublika prezidentinə şikayət məktubu ünvanlamaq.
  Ovqat.com


Ana səhifəyə qayıt        Baxış: 3 655          Tarix: 15-07-2020, 13:34      


Paylaş: