İsveçrənin Novartis şirkəti Covid-19-un müalicəsində Jakavi preparatını sınamağa başlayır, bu haqda İsveçrə mətbuatı xəbər verir. Novartis Incyte şirkəti ilə birlikdə yeni koronavirusun müalicəsini mümkün edəcək vasitənin axtarışlarını sürətləndirib.

İsveçrənin Novartis və ABŞ-ın Incyte şirkəti Jakavi adlı dərman ilə III mərhələli tədqiqatlara başlayıb. Novartisin cümə günü elan etdiyi kimi, preparat sitokin fırtınası adlanan və immun sistemini kəskin zəiflədən xəstəliyin müalicəsində istifadə edilməkdədir. İmmun sistemində baş verən bu reaksiya isə tənəffüs çətinlikləri yarada və koronavirus infeksiyasına yoluxmuş xəstələr üçün ölümcül ola bilər.



Novartisin bu qərarı preklinik məlumatlara və müstəqil tədqiqatların ilkin hesabatlarına əsaslanır, həmçinin Jakavinin təhlükəsizliyi və effektivliyinə dair geniş məlumatlarla təsdiqlənir. Jakavi preparatının sümük iliyində ilkin miyelofibrozun müalicəsindəki effektivliyi artıq 101 ölkədə təsdiq edilmişdir.