Tamburun elektron variantı hazırlanıb. Ağdamdan məcburi köçkün olan və Ağcabədidə yaşayan İsmixan Xıdırov qədim musiqi aləti olan tamburu müasir şəklə salıb.

Ovqat.com bildirir ki, 70 santimetr uzunluğu olan yeni tambur 3 musiqi alətinin səsini özündə birləşdirir. İmkanları da əvvəlkindən xeyli çoxdur. Adətən 2 simli və səkkiz pərdəli olan qədim musiqi alətini rayon sakini yenidən hazırlayaraq 18 pərdə və beş simli edib. Digər fərqli cəhətləri isə ölçüsünün ənənəvi tanburdan kiçik olması və elektron cihazla işləməsidir.

İsmixan Xıdırov yeni musiqi alətinin hazırlanmasına 10 gün vaxt sərf edib.

Sahibi yeni tamburu el şənliklərində də istifadə edib və böyük marağa səbəb olub. /xezerxeber.az

Videonu izləmək üçün şəklə klikləyin: