İran prezidenti İbrahim Rəisi bildirib ki, Qasım Süleymaninin Kirmandakı məzarında törədilən terror aktının təşkilatçıları cəzalandırılacaq və onların əməlləri ölkənin İslam ideallarını müdafiə etməsinə mane olmayacaq.

Musavat.com xəbər verir ki, o, partlayışlarda iştirak edənləri millət düşməni adlandırıb:“Bu qorxaq hərəkətin günahkarları və rəhbərləri, şübhəsiz ki, güclü təhlükəsizlik və hüquq-mühafizə orqanları tərəfindən tezliklə aşkarlanacaq və törətdikləri iyrənc əmələ görə cəzalandırılacaqlar. Millət düşmənləri bilməlidirlər ki, bu cür hərəkətlər heç vaxt İran xalqının İslam ideallarını müdafiə etməkdə olan dəmir iradəsinə mane ola bilməyəcək”, - deyə cənab Rəisi (İRNA-dan sitat gətirib).

O, əlavə edib ki, İran hakimiyyətinin terrorla mübarizədə fəaliyyəti əvvəlkindən daha qəti olacaq. O, Kirman şəhərinin rəsmilərini zərərçəkənlərə kömək etməyə və mümkün qədər tez asayişi bərpa etməyə çağırıb. Bundan əvvəl Kirmanda qəbiristanlıqda bir neçə partlayış baş verib. Bu zaman orada Qasim Süleymaninin xatirəsinə həsr olunmuş mərasim keçirilib - o, 2020-ci il yanvarın 3-də ABŞ Hərbi Hava Qüvvələrinin Bağdad hava limanı yaxınlığında endirdiyi raket zərbəsi nəticəsində həlak olub. Tasnim agentliyi yazır ki, qəbiristanlığın girişinin yaxınlığında uzaqdan partlatıla bilən bombalar olan iki paket olub.

Son məlumata görə, partlayışlar nəticəsində ölənlərin sayı 200 nəfərə çatıb. Yanvarın 4-də bütün İranda matəm elan edilib. Ölkə hakimiyyəti hadisəni terror aktı kimi qiymətləndirir. Hazırda heç bir terror qruplaşması partlayışlara görə məsuliyyəti üzərinə götürməyib.