Rusiyanın xarici işlər nazirinin müavini Mixail Qaluzin Ermənistanın Moskvadakı səfiri Qurgen Arsenyana Rusiya ətrafında konstruktiv informasiya fonunun saxlanmasının zəruriliyinə dair mövqeyi çatdırıb.

Oxu.Az-ın xəbərinə görə, bu barədə Rusiya Xarici İşlər Nazirliyinin yaydığı bəyanatda deyilir.

"İkitərəfli və regional gündəliyin bir sıra məsələləri müzakirə edilib. Qarşıdan gələn Rusiya-Ermənistan təmaslarının qrafiki sinxronlaşdırılıb. Söhbət zamanı diplomatik missiyanın rəhbərinə Ermənistanda Rusiya və ikitərəfli münasibətlər ətrafında konstruktiv informasiya fonunun saxlanmasının zəruriliyi ilə bağlı mövqe çatdırılıb.

Bu kontekstdə Moskvanın Rusiya və Ermənistanın müvafiq qurumları arasında məsləhətləşmələrin növbəti raundunun keçirilməsinə dair təklifi təsdiqlənib", - deyə məlumatda bildirilir.