Venesuela prezidenti Nikolas Maduro ABŞ tərəfindən ona qoyulan sanksiyalarla bağlı açıqlama verib.

Publika.az xəbər verir ki, Maduro ABŞ-ın ona qarşı tətbiq etdiyi sanksiyalarla qürur duyduğunu bildirib: "Mən nə üçün cəzalandırılmışam? Mənə qarşı ona görə sanksiyalar tətbiq edilib ki, növbədən kənar konstitusiya məclisini çağırdım. Buna görə qürurluyam".

Liderin sözlərinə görə, ABŞ prezidenti Donald Tramp Venesuellaya "ilişərək" həyatının ən ciddi "səhvi"ni edir. Maduro ABŞ-ın birtərəfli qərarlarını ölkə başçısının "acizlik, ümidsizlik və yersiz qəzəbinin" göstəricisi olaraq qiymətləndirib.

Maduro çıxışın çox sərt ifadələrlə başa vurub: "Onlar Latın Amerikası boyunca uzanmış, quyruğunu sağa-sola sallayaraq "bəli" deyən itə bənzəyirlər".