Suriya hərbçiləri Rusiya Hərbi Kosmik Qüvvələrinin dəstəyi ilə ölkənin şərqindəki Meyadin şəhərində İŞİD terror qruplaşmasının ən böyül silah və zirehli texnika anbarını ələ keçiriblər.

"Report" "İnterfaks"a istinadən xəbər verir ki, ələ keçirilən anbarda atıcı və tank əleyhinə silahlar, artilleriya qurğuları və mərmilər, əldəqayırma minalar, həmçinin terrorçuların daha əvvəl İraq ordusundan ələ keçirdiyi tank və zirehli nəqliyyat vasitələri olub.

Məlumata görə, terrorçuların arsenalının əsas hissəsini NATO ölkələri tərəfindən silahlanmaya qəbul olunan silahlar təşkil edir.

Qeyd edək ki, son vaxtlara qədər Meyadin şəhəri terrorçuların Suriyanın şərqində ən güclü istehkam sahəsi idi və ona İŞİD-in "paytaxt"ı statusu verilmişdi.