İranda daş kömür şaxtasında partlayış baş verib.

Ovqat.com Axar.az-a istinadən xəbər verir ki, partlayış nəticəsində 50 nəfərə qədər adamın şaxtanın dağıntıları altında qaldığı güman olunur.

Partlayışın baş verdiyi şaxta Gülüstan vilayətinin Azadşəhr şəhərində yerləşir. İndiyə qədər dağıntılar altından 2 nəfərin meyiti çıxarılıb. Yaralıların sayı 15-ə çatıb.

***

Kömür şaxtasında baş verən partlayışda ölənlərin sayı 21 nəfərə qalxıb.

“Röyter” dağıntılar altında 90 nəfərin qaldığı barədə rəsmi məlumat yayıb. Xəstəxanaya yerləşdirilən yaralıların sayı isə 28 nəfərdir.