Fələstinin “Həmas” hərəkatı ABŞ prezidenti Donald Trampın Qüdsü İsrailin paytaxtı kimi tanınması barədə qərarına etiraz olaraq üçüncü “intifada”nın, üsyanın başlandığını elan edib.

Ovqat.com-un “RİA Novosti”yə istinadən xəbər verir ki, bunu “Həmas”ın mətbuat katibi Abdulativ Alkanu bildirib.

“Biz ABŞ-a qərarının ləğvi üçün təzyiq göstərmək və etirazları davam etdirmək məqsədilə üçüncü “intifada”nın başlandığını açıqlayırıq. Artıq Qəzza zolağına “intifada”nın başlanması nəticəsində etirazlar artır”.