Maldiv adalarında dərinləşən siyasi böhran fonunda polis ölkənin Ali Məhkəməsinin iki hakimini həbs edib.

"Associated Press" xəbər verir ki, həbs olunanlar Abdulla Səid və Əli Həmiddir.

Daha əvvəl Maldiv adalarının Prezidenti Abdulla Yaminin ölkədə fövqəladə vəziyyət elan etdiyi barədə məlumat yayılıb.

Qeyd edək ki, ölkədə fövqəladə vəziyyət hökumətin Ali Məhkəmənin həbsdə olan 9 müxalifət liderini azad etmək qərarına riayət etməkdən imtinasından sonra elan olunub/Report.