ABŞ-nin vitse-prezidenti Cey Di Vens gələn həftə İsrailə səfər edəcək.

Oxu.Az "Ynet"ə istinadən xəbər verir ki, Vens ABŞ prezidentinin xüsusi nümayəndəsi Stiv Vitkoffun regional turu ilə eyni vaxtda İsrailə yollanacaq.

Məlumata görə, onlar ABŞ-nin Qəzza zolağında atəşkəs razılaşmasının icrasını davam etdirmək və girovların azad olunması səylərinin bir hissəsi kimi İsraildə olacaqlar.

"The Times of Israel" qəzetinin yazdığına görə, Vens ABŞ-nin sülh planının ikinci mərhələsini müzakirə edəcək, bu planda HƏMAS-ın tərksilah olunması və Qəzza üçün yeni idarəetmə strukturunun yaradılması nəzərdə tutulur.