“Henley” indeksinə görə, 2018-ci ildə dünyanın ən güclü pasportu 189 istiqamətə vizasız giriş həyata keçirə bilən Yaponiya pasportu olub.

Azərtac Anadolu informasiya agentliyinə istinadla xəbər verir ki, indeksə əsasən, ikinci yeri 188 istiqamətə vizasız giriş hüququna malik Sinqapur və Almaniya, üçüncü yeri isə Cənubi Koreya, Finlandiya, Fransa, İtaliya, İspaniya və İsveç paylaşıb.

Türkiyə pasportu 111 istiqamətə vizasız giriş imkanı yaradaraq, indeksin siyahısında 49-cu sırada yer alıb.