Rusiya Prezidenti Vladimir Putin Almaniya Kansleri Angela Merkellə telefon əlaqəsi saxlayıb və Liviya problemini müzakirə edib.

Teleqraf.com xəbər verir ki, Putin Liviya probleminin həlli məsələsində BMT və Almaniyanın vasitəçiliyini dəstəkləyəcəyini qarşı tərəfin diqqətin çatdırıb.

Telefon müzakirəsində Parisdə baş tutan Fransa, Almaniya, Ukrayna və Rusiya liderlərinin görüşü də diqqətdə olub.

Ukraynanın şərqində müşahidə olunan böhranın həllinə dair Minsk anlaşmasının tətbiq edilməsinin vacibliyi qeyd edilib.

Tərəflər rus qazının Ukrayna üzərindən Avropaya göndərilməsi və Şimal Axını-2 qaz boru xətti haqqında da fikir mübadiləsi aparıb.