Xəbər lenti


ABŞ sakinlərinin 68%-i ölkə başçısı Donald Trampın koronavirus pandemiyası ilə bağlı dediklərinə inanmır.

“Report” xəbər verir, bu barədə ABC məlumat verib.

“Ipsos” tədqiqat xidməti tərəfindən aparılan sorğuda iştirak edənlərin 67%-i ABŞ prezidentinin infeksiyanın yayılmasına qarşı mübarizədə çox yavaş hərəkət etdiyini söyləyib. Eyni zamanda sakinlərin 31%-i dövlət başçısının düzgün istiqamətdə getdiyini qeyd edib və yalnız 1% respondent onun həddindən artıq tələsik qərar qəbul etdiyini bildirib.

Qeyd olunur ki, Trampı dəstəkləyənlərin əksəriyyəti Respublikaçılar Partiyasının tərəfdarları olub. Belə ki, respondentlərin 69%-i ölkə liderinin COVID-19 ilə mübarizə tədbirləri ilə bağlı kursunu dəstəkləyib.

Respondentlərin təxminən 35%-i ABŞ prezidentinin pandemiyanın nəticələrinin aradan qaldırılması ilə bağlı siyasətini bəyənir.



Ana səhifəyə qayıt        Baxış: 2 418          Tarix: 14-09-2020, 15:24      


Paylaş:   

Ən çox oxunanlar