Mozambikin şimalında yerləşən Palma liman şəhəri radikal islamçı qruplaşmalar tərəfindən ələ keçirilib.

Axar.az xəbər verir ki, bu barədə AFP məlumat yayıb.

“Hökumət qüvvələri Palmadan çıxarılıb, şəhərə islamçılar nəzarət edir. Şəhərin ətraf rayonlarında döyüşlər gedir”, - məlumatda bildirilib.

Məlumata görə, 100-ə yaxın silahlı şəxs martın 24-də şəhərə daxil olub. Hökumət qüvvələri döyüşlər zamanı xeyli itki verib. Bildirilib ki, bütün şəhər çimərliyi həlak olanların meyitləri ilə doludur.

Qeyd edək ki, Palma şəhəri 2017-ci ildə Əş-Şabab terror qruplaşması və İŞİD-in Mərkəzi Afrika nümayəndəliyi olan İSCAP tərəfindən işğal edilən Kabu-Delqada əyalətinə bağlıdır.