İran Nətənzdəki nüvə təsisatında təxribat törətməkdə şübhəli bilinən şəxsin adını açıqlayıb.

Virtualaz.org İran televiziyasına istinadən bildirir ki, həmin şəxs 43 yaşlı Rıza Kərimidir.
O bu təsisatda çalışıb. Təhlükəsizlik qüvvələri tərəfindən onun kimliyi aşkar edilən kimi Rıza Kərimi İranı tərk edib.

"Onun həbsi və ölkəyə qaytarılması üçün bütün lazımı və hüquqi addımlar atılır", - deyə İran televiziyası bildirib.

Xatırladaq ki, ötən həftə İranda Nətənz Atom Elektrik Stansiyasında qəza baş verib. İran hökuməti bunu təxribat adlandırıb və İsraili günahlandırıb.