İran Xarici İşlər Naziri Cavad Zərif Natanz nüvə obyektindəki “qəza”nın İsrail tərəfindən törədildiyini və bunun intiqamının alınacağını bildirib.
 
Ovqat.com xəbər verir ki, nazir “sionist” rejimin məqsədinin nüvə danışıqlarını pozmaq olduğunu bildirib. 
 
 
“Sionistlər sanksiyaların ləğv edilməsindəki uğurumuza görə İran xalqından intiqam almaq istəyirlər, bizim sionistlərə cavabımızla qarşılacaqlar”.
 
Zərif planlaşdırılan cavab tədbirləri barədə də məlumat verib. Onun sözlərinə görə, İran nüvə çalışmalarını səviyyəsini artıracaq və Nətənzdəki reaktorun daha inkişaf etmiş sentrafuqalarla təchiz ediləcək. Bu isə nüvə silahının başlığını hazırlamağa bir işarədir.
 
Qeyd edək ki, İran ABŞ-ın nüvə sazişindən çıxmasını əsas gətirib atomun zənginləşdirilməsi həddini 20%-ə çıxarmışdı. İranın dini lideri Xamneyi hətta bu göstəricini 60%-ə qədər yüksəldə biləcəklərini bəyan etmişdi. Məhəmməd Cavad Zərifin bugünkü açıqlamaları da Tehranın açıq şəkildə nüvə silahı hazırlamağa başlayacağının rəsmi bəyanına bənzəyir. 
 
Nüvə silahı 80% zənginləşdirilmiş uran nüvəsindən hazırlanır.