Çexiyanın Moskvadakı səfirliyi diplomatik nümayəndəliklərin bərabər əsaslarla azaldılması çərçivəsində 71 Rusiya vətəndaşını işdən çıxarıb. Bu barədə mayın 25-də Çexiya Xarici İşlər Nazirliyinin nümayəndəsi Eva Davidova məlumat verib.

“Çexiyanın Moskvadakı Səfirliyində, Çex Evində və Çex Mərkəzində işə qəbul edilmiş Rusiya vətəndaşı olan 71 əməkdaş işdən çıxarılma barədə bildiriş alıb”, - deyə qeyd edən Davidova, mayın sonuna qədər daha 8 nəfərin işdən çıxarılacağını bildirib. Beləliklə, işdən çıxarılan işçilərin ümumi sayı 79 nəfərə çatacaq.

Rusiya tərəfinin qərarına uyğun olaraq Çexiya səfirliyində 19 Rusiya vətəndaşı çalışa biləcək.
Qeyd edək ki, Moskva ilə Praqa arasındakı münasibətlər Çex Respublikasının Rusiya xüsusi xidmət orqanlarını Vrbetitsadakı iki nəfərin ölümünə səbəb olan silah-sursat anbarındakı partlayışlarda iştirak etməkdə təqsirləndirməkdən sonra pisləşib.

//virtualaz.org/