Rusiya Silahlı Qüvvələri özünün ən uzunmənzilli raketlərindən sayılan RT-2PM Topol ICBM-ləri hərbi arsenalından çıxarır.
 
Ovqat.com xəbər verir ki, məlumatı Defence Blog saytı yayıb.
 
Məlumata görə, “Topol”ların “təqaüd”ə ayrılma tarixi 2023-ci il olaraq müəyyənləşdirilib. Onun yerini Rusiyanın daha yeni qitələrarası raketi “Yars” alacaq.
 
Qeyd edək ki, “Yars” raketləri də əslində “Topol” ailəsindəndir. Sələfindən fərqli olaraq “Yars”ların mənzili daha uzundur. 
 
“RT-2PM Topol” – 11 000 km,
“Yars M” – 12 min km. 
 
“Yars”lar həmçinin daha çoxfunksiyalı əməliyyat imkanları baxımından da sələflərini üstəliyirlər.
 
Rusiyanın “istefa”ya göndərməyi planlaşdırdığı “Topol” raketləri 1977-ci ildə hazırlanmağa başlanmış, ilk dəfə 1983-ci ildə sınaqdan çıxarılmışdı. 2007-ci ildə “Yars” kəşf olunana qədər dünyanın ən uzaqmənzilli raketləri sayılırdı. Rusiya ordusunun silah arsenalında 150 “Topol”un olduğu bilinirdi.