Axar.az xəbər verir ki, bunu BMT Baş katibinin keçmiş müavini, Rusiya İctimai Şurasının sədri Sergey Orconikidze deyib.

Orconikidze burada təəccüblü heç nəyin olmadığını söyləyib:

"Bu, ilk dəfə deyil ki, prezident səhhətinə görə vəzifəsini yerinə yetirə bilmir. Təbii ki, o, səlahiyyətlərini ötürməlidir. Bu, normaldır, qorxulu heç nə yoxdur".

Qeyd edək ki, daha öncə Ağ Ev ABŞ Prezidenti Co Baydenin səhhətinə görə səlahiyyətlərini müvəqqəti olaraq ölkənin vitse-prezidenti Kamala Harrisə təhvil verəcəyi barədə məlumat yayıb.