“Report” xəbər verir ki, bunu Rusiyanın xarici işlər naziri Sergey Lavrov “RİA Novosti”yə müsahibəsində deyib.

“Bizim təkliflərimiz 1990-cı illərdə bütün Avro-Atlantik dövlətlərin rəhbərləri tərəfindən yekdilliklə təsdiq edilmiş təhlükəsizliyin bölünməzliyi və hərbi üstünlüyə nail olmaq cəhdlərindən imtina prinsipinə əsaslanan yeni sazişlər sisteminin yaradılmasına və qanuniləşdirilməsinə yönəlib. Xüsusilə qeyd edirəm: bizə məhz hüquqi təminatlar lazımdır, çünki Qərbdəki həmkarlarımız sistematik olaraq öz siyasi öhdəliklərini yerinə yetirmirlər. Mən heç Sovet və Rusiya rəhbərliyinə verilən şifahi vədlərdən danışmıram”, - nazir bildirib.

S.Lavrovun sözlərinə görə, ABŞ və NATO ilə razılaşmalar layihəsi paket xarakteri daşıyır və onların məqsədi NATO-nun Şərqə genişlənməsinin qarşısının alınması, habelə Rusiya sərhədləri yaxınlığında qoşun yerləşdirilməməsi barədə hüquqi çərçivədə təminat əldə etməkdir.