Xəbər lenti

 

Moldova hökuməti Dnestr regionunda sülhməramlı missiyanın 25 illiyi ilə əlaqədar bəyanatla çıxış edib.

APA-nın “Ukrinform”a istinadən verdiyi məlumata görə, bəyanatda separatçıların nəzarətindəki ərazidə olan Rusiya Federasiyası sülhməramlı kontingentinin beynəlxalq təşkilatların mülki müşahidəçiləri ilə əvəzlənməsi tələbi əksini tapıb.

“Bu günlər Moskvada Moldovanın və Rusiyanın o zamankı prezidentləri tərəfindən “Moldova Respublikasının Dnestryanı regionundakı silahlı münaqişənin sülh yolu ilə həlli prinsipləri haqqında Saziş”in imzalanmasının 25-ci ildönümü tamam olur. Bu aktın siyasi əhəmiyyətinə dair retrospektiv qiymətləndirmə mübahisəsizdir: razılaşma Dnestr sahillərində silahlı toqquşmalara və qan tökülməsinə son qoydu”, – deyə açıqlamada bildirilir.

Bununla yanaşı, açıqlamada qeyd edilir ki, zaman keçdikcə Rusiya sülhməramlı missiyası münaqişənin konservləşdirilməsi vasitəsinə çevrilib. Bunu rusiyalı sülhməramlıların dəfələrlə separatçıların hərbi qüvvələri ilə keçirdiyi birgə hərbi təlimlər də göstərir. Moldova hökuməti Rusiyaya ATƏT-in 1999-cu ilk İstanbul sammitinin qərarını xatırladıb. Həmin qərarda Rusiya öz qoşunlarını Moldovadan çıxarmaq barədə öhdəlik götürüb.




Ana səhifəyə qayıt        Baxış: 1 001          Tarix: 29-07-2017, 18:29      

Xəbəri paylaş


Paylaş:   

Prizma