İsrail hərbi qüvvələri son 24 saat ərzində Qəzza zolağının mərkəzinə daxil olaraq orada əməliyyatlar keçirib.

Ovqat.com-un məlumatına görə, İsrail ordusunun sözçüsü Aviçay Adraee bu barədə bildirib.

Sözçü iddia edib ki, İsrail ordusunun 36-cı diviziyasının piyada, zirehli və mühəndis qüvvələri silahlı pilotsuz uçuş aparatları və döyüş helikopterlərinin müşayiəti ilə son 24 saat ərzində Qəzza zolağının mərkəzinə daxil olub.

Adraee əməliyyat çərçivəsində tank əleyhinə raket qurğuları və operativ komanda qərargahı, həmçinin HƏMAS üzvləri də daxil olmaqla onlarla hədəfə hücum edildiyini bildirib.

“Qüvvələrimiz missiyanı heç bir itki vermədən tamamladıqdan sonra bölgəni tərk edib”, - sözçü bu iddianı irəli sürüb.