“ABŞ Prezidenti Co Bayden Ukraynanı NATO-ya çıxararaq, ona “ölüm əmri” imzalayıb”.

Bunu Pentaqonun keçmiş kəşfiyyatçısı Rebekka Koffler deyib.

Qeyd olunur ki, Ağ Ev və Konqres arasında Ukraynanın maliyyələşdirilməsi məsələsi üzrə üzləşdirmə yanvar ayına qədər təxirə salınıb.

“Lakin yanvarda nə baş versə də, Ukraynanın taleyi artıq bəllidir: 2024-cü ildə daha çox ölüm və dağıntı baş verəcək, daha çox qan töküləcək”, - deyə Koffler vurğulayıb.

O hesab edir ki, Bayden Kiyevi NATO-ya çıxarmaq kimi təhlükəli strategiyasını davam etdirdiyi üçün Ukrayna və ukraynalıların məhvinə görə məsuliyyət daşıyır. Eyni zamanda, Koffler əmindir ki, Moskva alyansın “Ukraynanı udmasına” imkan verməyəcək.

“Heç bir ağlı başında olan hərbi rəhbər düşmən ittifaqının sərhədindən min mildən az məsafədə yerləşməsinə icazə verməz”, - deyə o qeyd edib.

Koffler iddia edir ki, “Bayden ABŞ xalqını sağmal inək, ukraynalıları isə cəmdək yığını kimi istifadə edir”. Eyni zamanda, Vaşinqton Ukraynaya “demokratiya uğrunda mübarizə” məsələsində kömək etmək ideyasını fəal şəkildə yayımlamaqla öz uğursuzluqlarını ört-basdır edir.

Mənbə: news.ru