Əfqanıstanın qərbində yerləşən Herat şəhərində ard-arda silahlı hücumlar baş verib.

Publika.az xəbər verir ki, Cevadiye məscidinin girişinə qoyulmuş bomba partladıqdan sonra iki nəfər naməlum silahlı şəxs məscidə daxil olaraq insanlara atəş açıb.

Rəsmi məlumatlara görə hadisə nəticəsindən 20 nəfər ölüb, 15 nəfər isə müxtəlif dərəcəli xəsarətlər alıb.

Silahlı hücum nəticəsində məscid tamamilə yararsız hala düşüb. Hadisənin təfərrüatları araşdırılır.

Ölənlərin sayının artacağı gözlənilir.