Yuri Borisov “Roskosmos”un baş direktoru vəzifəsindən azad edilib.

Musavat.com xəbər verir ki, Kremlldən yayılan məlumata görə, idarəçiliyin dəyişdirilməsi barədə qərar qəfil qəbul edilib.

Şirkət daxilindəki vəziyyətlə tanış olan RBC mənbəsinin sözlərinə görə, "Roskosmos" işçilərinin əksəriyyətinin qərardan cümə axşamı səhərə kimi xəbəri olmayıb. Mənbə məsələnin bir axşama həll olunduğunu vurğulayıb.

Kadr dəyişikliklərinin mümkün səbəblərindən biri Moskvada Milli Kosmik Mərkəzin layihəsinin qeyri-müəyyən maliyyələşdirilməsi olub. Tikinti xərcləri daim artır, bu da ərazi bölgüsünə yenidən baxılmasına və əməliyyat xərclərinin artmasına səbəb olur. Rəhbərliyin dəyişməsinin səbəblərindən biri də bu ola bilər.