"ABŞ administrasiyasının Ukrayna ilə bağlı hərəkət və bəyanatlarına reaksiya vermək lazımdır".

Oxu.Az TASS-a istinadla xəbər verir ki, bunu Almaniya Kansleri Olaf Şolts Berlində jurnalistlərə deyib.

"ABŞ administrasiyasının hərəkət və bəyanatlarının Ukrayna, Avropa və bütün dünya üçün nə anlama gəldiyi gerçəkliyini hazırda dərk etməliyik. Hərəkətsizlik ölkəmizin və qitəmizin təhlükəsizliyini təhlükə altına qoymaq anlamına gələrdi, bunun baş verməsinə imkan vermərəm", - deyə o bildirib.

O.Şolts vurğulayıb ki, alman xalqına zərər yetirilməsinə yol verməməyə and içib.