İsrail ordusu Qəzza zolağındakı hədəflərə zərbələr endirməyə başlayıb.

APA xəbər verir ki, bu barədə İsrail Silahlı Qüvvələrinin mətbuat xidməti məlumat yayıb.

Qeyd olunub ki, Fələstin anklavından bu gün səhərdən etibarən başlayan kütləvi raket atəşinə cavab olaraq İsrail ordusu Qəzza zolağına hücumlar həyata keçirməyə başlayıb.

Xatırladaq ki, İsrail Müdafiə Qüvvələrinin mətbuat xidməti bu gün səhər saatlarından Qəzza zolağından ölkə ərazisinə raketlərin atıldığını təsdiqləyib. Tel-Əviv şəhəri və ətraf ərazilər də daxil olmaqla ölkənin bir çox şəhərlərində həyəcan siqnalı verilib.

Baş verən hadisələr fonunda İsrail ordusu “döyüş hazırlığı vəziyyəti”nə gətirlib və ölkənin müdafiə naziri Yoav Qalant ehtiyatda olan hərbçilərin orduya çağırılması məsələsini təsdiqləyib.