Husi və Hizbullah terror təşkilatları ölkə prezidenti İbrahim Rəisinin həlak olması ilə bağlı İran rejiminə başsağlığı verib.

Onların ölümləri təsdiqləndikdən bir neçə saat sonra Husilərin yüksək rütbəli rəsmisi Məhəmməd Əli Əl-Husi İrana başsağlığı verib.

"İran xalqına və İran rəhbərliyinə dərin hüznlə başsağlığı veririk. İran xalqı özünə layiq lider seçəcək."

Həmas başsağlığı mesajında bildirib: "Ali liderə, İran hökumətinə və qardaş İran xalqına səmimi başsağlığı və həmrəylik bildiririk. Əminik ki, İran Allahın köməyi ilə bu böyük itkinin nəticələrinin öhdəsindən gələ biləcək. İran hökuməti bu ağır sınaqla mübarizə apara biləcək güclü qurumlara malikdir.”

Livanda yerləşən Hizbullah terror qruplaşması Rəisini böyük qardaşa bənzədib.

Terror qruplaşmasının bəyanatında deyilir: "Livandakı Hizbullah itki ilə bağlı dərin hüznlə başsağlığı verir".

Yaxın Şərqin "güclü" terror qruplaşmalarından biri olan Hizbullah Qəzzada müharibə başlayandan bəri İsraillə demək olar ki, hər gün sərhədyanı atışmalarda toqquşur.

İran Həmas, Husi və Hizbullah terror qruplaşmalarına hərbi və iqtisadi dəstək verməyə davam edir.

Gunaz.tv

Şahin Elxanoğlu