Futbol üzrə Çempionlar Liqasında III tura start verilib.
"Report"un məlumatına görə, ilk oyun günündə 4 qrupda oynanılmış 8 qarşılaşma kifayət qədər məhsuldar alınıb.
E qrupunda hamıdan çox - 13 qol vurulub. "Spartak" Rusiyada İspaniya "Sevilya"sını, İngiltərə "Liverpul"u Sloveniyada "Maribor"u darmadağın edib.
Türkiyənin yeganə təmsilçisi "Beşiktaş" ardıcıl 3-cü qələbəsini səfərdə Fransa "Monako"su üzərində qazanıb - 2:1. "Qara qartallar"dan hər iki qolu Cenk Tosun vurub.
İngiltərənin "Mançester Siti" klubu da itkisiz irəliləyir. "Şəhərlilər" İtaliya "Napoli"sini eyni hesabla yeniblər.
Əvəzində H qrupundakı hər iki oyunda heç-heçə qeydə alınıb. İlk 2 turdan qalib ayrılmış İspaniya "Real Madrid"i ilə İngiltərə "Tottenhem"i arasındakı görüşdə tərəflər hərəyə bir dəfə fərqləniblər. Eyni zamanda Kipr APOEL-i Almaniyanın "Borussiya" (Dortmund) komandası ilə qollu heç-heçə edib. Nəticədə hər iki klub ilk xalını qazanıb.
Çempionlar Liqası
Qrup mərhələsi, III tur
E qrupu
"Spartak" (Moskva, Rusiya) - "Sevilya" (İspaniya) - 5:1
Qollar: Kvinsi Promes, 18; 90. Lorentso Melqarexo, 58. Denis Qluşakov, 67. Luis Adriano, 74 - Simon Kyaer, 30
"Maribor" (Sloveniya) - "Liverpul" (İngiltərə) - 0:7
Qollar: Roberto Firmino, 4; 54. Filippe Koutinyo, 13. Mohamed Salah, 19; 40. Aleks Oksleyd-Çemberleyn, 86. Trent Aleksander-Arnold, 90
Xal durumu: "Spartak" - 5, "Liverpul" - 5, "Sevilya" - 4, "Maribor" - 1.
F qrupu
"Mançester Siti" (İngiltərə) - "Napoli" (İtaliya) - 2:1
Qollar: Rahim Sterlinq, 9. Qabriel Jezus, 13 - Amadu Diavara, 73-penalti ilə
Yerinə yetirilməyən penalti: Dris Mertens, 38
"Feyenoord" (Hollandiya) - "Şaxtyor" (Ukrayna) - 1:2
Qollar: Stiven Berquis, 8 - Bernard, 24; 54
Xal durumu: "Mançester Siti" - 9, "Şaxtyor" - 6, "Napoli" - 3, "Feyenoord" - 0.
G qrupu
"Monako" (Fransa) - "Beşiktaş" (Türkiyə) - 1:2
Qollar: Radamel Falkao, 30 - Cenk Tosun, 34; 54
"Leyptsiq" (Almaniya) - "Portu" (Portuqaliya) - 3:2
Qollar: Villi Orban, 8. Emil Forsberq, 38. Jan-Kevin Auqustin, 41 - Vinsent Abubakar, 18. İvan Markano, 44
Xal durumu: "Beşiktaş" - 9, "Leyptsiq" - 4, "Portu" - 3, "Monako" - 1.
H qrupu
"Real Madrid" (İspaniya) - "Tottenhem" (İngiltərə) - 1:1
Qollar: Kriştianu Ronaldu, 43-penalti ilə - Rafael Varan, 28-öz qapısına
APOEL (Kipr) - "Borussiya" (Dortmund, Almaniya) - 1:1
Qollar: Mikael Pote, 62 - Sokratis Papastatopulos, 67
Xal durumu: "Real Madrid" - 7, "Tottenhem" - 7, APOEL - 1, "Borussiya" - 1.
