"Manchester City"nin yarımmüdafiəçisi Yaya Ture 2016-cı ilin sentyabrında Kot-d`İvuar millisində karyerasını başa vurduğunu elan etmişdi.

Ovqat.com goal.az-a istinadən xəbər verir ki, təcrübəli futbolçu bunları deyib:

"Millidən dəvət gəlsə, qəbul etməyəcəm. Düzü, vətənimdə baş verənlər məni təəccübləndirir. Bəzən ölkəndə yox, ondan kənarda kral olursan. Orda mənə elə münasibət göstərirlər, sanki xalq düşməniyəm. Həmişə qardaşlarım, futbolçularla hansısa problemlər yaradılır. Kriştianu Ronaldu Portuqaliyada heç vaxt bununla üzləşmir. Samuel Eto`onu Kamerunda çox sevirlər. Bizdə isə, az qala, hər şeydə günahkar mənəm. Əhvalım çox korlanır, nifrət obyekti olduğumu düşünürəm. Hər şeyə rəğmən, ölkəmi sevdiyimi göstərmək istəyirəm. Həyat yoldaşım və dostlarıma söz vermişdim ki, titul qazanan kimi milli komandadan gedəcəm".