“Fransa “daha irəli getməyə” və Rusiyadan neft idxalını tamamilə dayandırmağa hazırdır”.
 
Ovqat.com xəbər verir ki, Fransanın maliyyə və iqtisadiyyat naziri Bruno Le Mere mətbuata açıqlamasında belə deyib.
 
O, Ukraynanın Kramatorsk dəmir yolu stansiyasına rusların “vəhşicəsinə hücumdan” sonra işğalçı ölkəyə qarşı sanksiyaları daha da sərtləşdirməyin vacibliyinə toxunub.
 
"Fransaya gəldikdə, biz Rusiyadan neft tədarükünə qadağa barədə qərar verməyə hazırıq və mən dərindən əminəm ki, növbəti addımlar və sonrakı müzakirələr məhz bu məsələ üzərində cəmləşəcək".
 
Qeyd edək ki, Rusiyanın xarici ticarət sahəsində əsas gəlir mənbəyi neft ixracındandır. Rusiya Federal Gömrük xidmətinin məlumatına görə, ötən il Rusiya qaz ixracından 55.5 milyard, neft ixracından isə 110 milyard dollar qazanmışdı. 
 
Mütəxəssislərin fikrincə, qaz ixracı tamamilə dayanarsa, Rusiya iqtisadi cəhətdən tamamilə çökə bilər.