Xəbər lenti

BMT-nin Ümumdünya Ərzaq Proqramı xüsusi təyinatlı qüvvələrlə ordu birləşmələri arasında toqquşmaların davam etdiyi Sudanda fəaliyyətini dayandırıb.

“Report” xəbər verir ki, bu barədə təşkilatın yaydığı məlumatda deyilir.

“Biz təhlükəsizlik vəziyyətini öyrənərkən Sudandakı bütün əməliyyatları müvəqqəti olaraq dayandırmaq məcburiyyətindəyik. Ümumdünya Ərzaq Proqramı kəskin ərzaq təhlükəsizliyi ilə üzləşən Sudan xalqına kömək etmək öhdəliyi götürür, lakin əməkdaşlarımızın təhlükəsizliyinə zəmanət verilməzsə, biz həyat qurtaran iş görə bilmərik”, - bəyanatda deyilir.

Qeyd edək ki, BMT-nin Ümumdünya Ərzaq Proqramının üç əməkdaşı Sudanda xüsusi təyinatlı qüvvələrlə ordu birləşmələri arasında toqquşmalar zamanı həlak olub.




Ana səhifəyə qayıt        Baxış: 3 731          Tarix: 16-04-2023, 19:49      

Xəbəri paylaş


Paylaş:   

Prizma