Belarusun Slovakiyadakı səfiri İqor Leşenya Minskdə keçirilən etiraz aksiyalarını dəstəkləyib.
 
Ovqat.com Rusiya mediasına istinadən xəbər verir ki, səfir YouTube vasitəsilə etdiyi video-çıxışında  bütün belaruslar kimi özünün də “vətəndaşların işgəncə və döyülməsi ilə bağlı görüntülərdən şoka düşdüyünü” vurğulayıb.
 
O əlavə edib ki, döyülən etirazçıların şəkillərində o, qızının sinif yoldaşını tanıyıb və bu uşağın "heç vaxt belə təlaş içində olmadığını” deyib.
 
 
 
Leşenya bildirib ki,"möhkəm, güclü və xarici təsirlərə məruz qalmayan dövlətin əsas komponentləri xalqın iradəsinə, dilinə, tarixinə və mədəniyyətinə hörmətdir". O xatırladıb ki, Belarus Konstitusiyasına əsasən, ölkədə yeganə hakimiyyət mənbəyi xalqdır.
 
 

"Mən ürəkdən ümid edirəm ki, ölkəmin gələcəyi cəmiyyətin bütün təbəqələrinin və müxtəlif siyasi qüvvələrin nümayəndələrinin mövqelərinin nəzərə alınmasına əsaslanacaq. Belaruslar bu hüquqdan əziyyət çəkirlər", - deyə diplomat əlavə edib.