Xəbər lenti
7-07-2020, 11:23
7-07-2020, 11:05
 

Qərbi Azərbaycan (İrəvan) Respublikası Millət Şurasının Qafar Çaxmaqlının sədrliyi ilə növbəti onlayn konfransı keçirilib.
 
Ovqat.com Qərbi Azərbaycan (İrəvan) Respublikası Mətbuat, İnformasiya, sosial şəbəkələrlə İş və Təhlil Mərkəzinə istinadən xəbər verir ki, təxminən 40 nəfərin iştirak etdiyi konfransda bölgədə baş verən olaylar, o cümlədən, oyuncaq “Dağlıq Qarabağ Respublikası”nın keçirdiyi “seçkilər” və Şuşa şəhərində “inaqurasiya” hadisəsi hüquqi-siyasi cəhətdən  dəyərləndirilmişdir. 
 
Bildirilir ki, Qərbi Azərbaycan (İrəvan) Respublikasının qarşısında duran vəzifələrin müzakirə edildiyi toplantıda təşkilati məsələlərə  baxılmışdır. 
 
Məlumata görə, konfrans iştirakçıları Millət Şurasının Katibliyini yaradılmış və tərkibini təsdiq etmişlər. Yeni sədr müavinlərinin seçilməsi ilə bağlı fikir mübadiləsi olmuş, İlham İsmayılov,   Aqil Səmədbəyli sədrin müavinləri təyin edilmişlər. Qərbi Azərbaycanla bağlı fəaliyyətdə olan və Millət Şurası tərkibinə daxil olan təşkilat sədrlərinə müşavir statusu verilməsi qərarlaşdırılmışdır.  
 
Konfransda həmçinin Mətbuat, İnformasiya, Sosial Şəbəkələrlə İş və Təhlil  Mərkəzi, Qərbi Azərbaycan (İrəvan) Tarixinin Araşdırılması Mərkəzləri təsis edilmiş, tərkibi müəyyənləşdirilmişdir.
 
 Qərbi Azərbaycan (İrəvan) Respublikası internet saytının, TV və başqa informasiya vasitələrinin  yaradılması ilə bağlı Millət Şurasının üzvü Şaiq Bayramovun məlumatı dinlənilmişdir. Digər texnoloji  məsələrlə bağlı müzakirələr olmuşdur. Yeni strukturların yaradılması ilə əlaqədar  təkliflərin növbəti konfransda müzakirə edilməsi qərarlaşdırılmışdır.  
              
 
 


Ana səhifəyə qayıt        Baxış: 5 572          Tarix: 24-05-2020, 23:10      


Paylaş:   

Ən çox oxunanlar