“Dağlıq Qarabağ Müdafiə Ordusunun Komandanı”, general-leytenant Mikael Arzumanyan Rusiya sülhməramlı kontingentinin komandiri general-leytenant Rüstəm Muradovla görüşüb.
 
Ovqat.com erməni mənbələrinə istinadən xəbər verir ki, görüşdə Qarabağdakı Rusiya sülhməramlı missiyasının təşkili və həyata keçirilməsi ilə bağlı məsələlər müzakirə edilib.
 
Qeyd edək ki, bu gün işğal altında olan Kəlbəcərdəki ermənilərin çıxarılmasının sonuncu günüdür. Gecə saat 00.00-dan sonra Kəlbəcər ermənilərdən tamamən təmizlənmiş halda Azərbaycan Silahlı Qüvvələrinə təhvil verilməlidir. 
 
Tərəflərin görüşündə bu məsələnin müzakirə edilib-edilməməsi, ümumiyyətlə, Rusiyanın imzaladığı bəyanata nə dərəcədə sadiq qalıb-qalmadığı bu təhvil prosesində anlaşılacaq. Kəlbəcərin təhvili bu mənada Rusiyanın etibarlı tərəfdaşlığının imtahanı olacaq.