Moldova parlamenti ölkədəki Dillər haqqında Qanunu son oxunuşda təsdiqləyib və rus dilinə millətlərarası ünsiyyət dili status verilib.
 
Ovqat.com-un məlumatına görə, Moldova parlamentinin spikeri Zinaida Qreçeaniya mətbuata açıqlamasında bildirib.
 
"Rus dili, millətlərarası ünsiyyət dili olaraq, respublika ərazisində dövlət dili ilə birlikdə istifadə olunur",- TASS-ın məlumatına görə, bu gün rəsmən qəbul olunan qanun layihəsində belə deyilir.
 
Bildirildiyinə görə, Dillər haqqında Qanun layihəsi 55 millət vəkilinin səsiylə təsdiqlənib. Artıq dövlət orqanları bundan sonra vətəndaşlara rus dilində məlumat vermək məcburiyyətində qalacaqlar.
 
Xatırladaq ki, 3 dekabrda Moldova parlamenti ölkədəki dillərin işləməsi, xüsusən də millətlərarası ünsiyyət dilinin statusu haqqında qanunu ilk oxunuşda təsdiqləmiş və Respublikanın yeni seçilmiş prezidenti Maya Sandu bunun cəmiyyəti parçalamaq kimi qiymətləndirmişdi.
 
Moldova parlamentinin bugünkü sessiyasında prezident səlahiyyətlərinin məhdudlaşdırılması təklifi də dəstəklənib. Sandu bu qərarı "hakimiyyətin qəsb edilməsi cəhdi" adlandırıb.