Böyük Dayaq partiyasının sədri Mirkazım Seyidov bu gün sui-qəsdə məruz qalıb.

Ovqat.com-un məlumatına görə, bu iddianı partiya sədrinin özü yayımladığı video-görüntüdə açıqlayıb.

Ötən gün Prime TV-nin “Qırmızı Masa” proqramında Naxçıvan MR Ali Məclisinin sədri Vasif Talıbovu sərt şəkildə tənqid edən Mirkazım Seyidov bu gün iki naməlum şəxsin hücumu ilə üzləşib. Sağ qolunun büküm yeri ağır şəkildə yaralanan partiya sədri Bona Dea xəstəxanasına qaldırılıb. Həkimlərin müdaxiləsindən sonra Mirkazım Seyidovun evə buraxıldığı qeyd olunur.

Partiya sədri yaydığı video-paylaşımında ona qarşı törədilən təxribatın arxasında Vasif Talıbovun dayandığını bildirmişdi.

https://www.youtube.com/watch?v=Uk1PZ0hkujc