Özünün “Artsax Respublikası” adlandıran qondarma qurumun “Prezidenti” Samvel Şahramanyan “2023-cü il sentyabrın 19-dan sonra yaranmış vəziyyətdən irəli gələn tədbirlər haqqında fərman” adlı sənəd imzalayıb.

Ovqat.com-un məlumatına görə, sərəncamda qondarma qurumun öz fəaliyyətini dayandırdığı bəyan olunur.

Sərəncamda bildirilir ki, mövcud ağır hərbi-siyasi vəziyyətlə əlaqədar olaraq, Rusiya sülhməramlı qüvvələri komandanlığının vasitəçiliyi ilə rəsmi Bakı ilə əldə edilmiş razılaşmaya əsasən bu fərman verilib.

“2024-cü il yanvarın 1-dək onların idarə tabeliyində olan bütün dövlət qurumları və təşkilatları ləğv edilsin və Dağlıq Qarabağ (Artsax) Respublikasının mövcudluğu dayandırılsın, - fərmanda vurğulanır.